#কণপাইজম

 

#কণপাইজম

আজি গধূলি বিশেষ কৰিব লগা কাম নাছিল। দিনৰে ডাইল, ভাজি আছেই, ভাত কেইটা পাতি দিলেই হ'ল। গতিকে এনেই থকাতকৈ নতুন ধৰ্ম এটাকে প্ৰৱৰ্তন কৰি পেলালো। 

আচলতে আজিকালিৰ এই ধৰ্মক লৈ চলি থকা খাম খেয়ালিবোৰ মোৰ ভাল লগা নাই, সেয়ে সেই খামখেয়ালিবোৰ আৰু বেছি বঢ়াবলৈ, মই এই নতুন ধৰ্মটো প্ৰৱৰ্তন কৰিলো। বৰ সুন্দৰ, সস্তা আৰু টিকাও ধৰ্ম, আপোনালোকে গ্ৰহণ কৰিলে আৰাম পাব।

সবিশেষ নকও, কিন্তু এটা কথা জানি থওক, মই আজি প্ৰৱৰ্তন কৰা ধৰ্মটোৰ ভগৱানজনৰ নাম "কণপাই"। আৰু ধৰ্মটোৰ নাম "কণপাইজম!"


হাঁহিছে কিয়? কি হ'ল? - ভগৱানৰ এনেকুৱা নাম থাকিব নোৱাৰে নেকি? ভগৱানৰ নাম সংস্কৃত, আৰৱী, হিব্ৰু, বা লেটিন ভাষাতেই হব লাগিব বুলি কি কথা আছে? মই নিজে বুজা ভাষাটোত ভগৱানৰ নাম ৰাখিছো, তাতে কি হ'ল আপোনাৰ? 

বাদ দিয়ক সেইবোৰ!! 'কনপাইজম' মজাৰ ধৰ্ম, লাহে লাহে গম পাব। এই ধৰ্মৰ ফল'ৱাৰ সকলে বিশেষ কষ্ট কৰিব নেলাগে, মাত্ৰ কেইটামান সৰু সুৰা কাম বা অভ্যাস কৰিলেই তেওলোকে "কণপাই" ভগৱানক সন্তুষ্ট কৰি চিৰকালৰ বাবে 'ওপৰ বৰচাপৰি গাঁৱ'ত স্থান লাভ কৰিব পাৰিব। আকৌ নুসুধিব, ওপৰ বৰচাপৰি গাঁও কি? সেইখন কনপাইজমৰ মতে স্বৰ্গ, বেহেস্ত, হেভেন। তাত এই স্বৰ্গ, বেহেস্ত, হেভেনত কৈয়ো বেছি সা সুবিধা থাকিব, ফেচিলিটি থাকিব। গ্ৰাহক আনিব লাগিব তো, সেয়ে দুদিনমান লোকচান হ'লেও আমি আনতকৈ বেছি ফেচিলিটি দিম। 

কনপাইজম ফ'ল' কৰা সকলে কি কি কৰিব লাগিব, নকৰিব লাগিব, সেইবোৰ লাহে লাহে কৈ থাকিম। কিন্তু সদ্যহতে তেওলোকে 'ফেচবুক'ত জমনি জমনি আপডেট মাৰি থাকিলেই হ'ল। কণপাই ধৰ্মৰ সৈতে মিল থকা ৰাজনৈতিক দলৰ চামচা বুলি দেখ দেখকৈ ওলাই পৰা আপডেট মৰাসকলক কণপাইজমত 'ঘৰিয়াল' বুলি কোৱা হব, যাৰ অৰ্থ আজিকালিৰ ধৰ্মবোৰৰ মতে সাধু, সন্ত, মচীহা, বা চে'ইণ্ট!
আমি প্ৰথমতে বেছি মানুহক দীক্ষা নিদিও, আসন সীমিত। ফাৰ্ষ্ট কাম ফাৰ্ষ্ট চাৰ্ভ বেচিচত দীক্ষা দিয়া হব। 

কণপাইজমৰ মূল লক্ষ্য, এইখন পৃথিৱীৰ সকলো ঠাইতে তে কণপাইজম ধৰ্ম প্ৰতিষ্ঠা কৰা, আৰু যিসকলে আপত্তি কৰে, বা আন ধৰ্ম মানে, তেওলোকৰ এথনিক ক্লীনজিং কৰা। এই এথনিক ক্লিনজিঙৰ বাবে গাঁও কী গাঁও জ্বলাই দিয়া, গৰ্ভৱতী মহিলাৰ পেটত তৰোৱাল ভৰাই মাক-পুতেক দুইটা চাফা কৰি দিয়া, যিকোনো বয়সৰ মহিলাক ধৰ্ষণ কৰা, পুৰুষ সকলৰ কোনো বিছাৰ নোহোৱাকৈ ডিঙি কটা, আন ধৰ্মৰ উপাসনা স্থানবোৰ ডাইনামাইট দি ভঙা, চচিয়েল মেডিয়াত কণপাইজমৰ বিৰূদ্ধে কোৱা সকলক দিনে ৰাতিয়ে অভদ্ৰ ভাষাৰে ট্ৰল কৰি থকা আদিক 'পোহাৰী চুপতি" বুলি গণ্য কৰা হব। 'পোহাৰী চুপতি' মানে কি বুজা নাই নেকি? পোহাৰী চুপতি মানে ক্ৰুছেদ, জিহাদ, ধৰ্মযুদ্ধ।

অৱশ্যে সেইবোৰ কৰিব নোৱাৰিলেও একেটা কথাকে গোঁৱাৰ গোবিন্দৰ দৰে খামোছ মাৰি, যুক্তি বুদ্ধি পৰিহাৰ কৰিব পাৰিলেও কণপাইজমত ভাল পদৱী পোৱাৰ সুবিধা ৰখা হৈছে। 

বেছি নকও বাৰু, সময় চাই শৰ মৰা কণপাইজমৰ মূল মডা‍ছ অপাৰেণ্ডি। আজিয়ে সকলো কৈ দিলে, শতৰুৱে চল পাব। 

এই কণপাইজম ধৰ্ম প্ৰচাৰ কৰাৰ দ্বায়িত্ব মই প্লাৱন ৰ সৱল কান্ধত দিব খুজিছো। মই নিজেও প্ৰচাৰ কৰিব পাৰিলোহেতেন, কিন্তু কৰিবৰ মন যোৱা নাই,
কাৰণ, 

#কভী_কভী_তো_লগতা_হেঁ_চালা_আপুন_হী_কণপাই_হেঁ


কণপাই ২

ৰাইজে অলপ অচৰপ বুজি উঠিছেই হয়তো, কণপাই ধৰ্মী সকলৰ মূল কাম হ'ল- সকলোতে লেঠা লগোৱা। লেঠা লগাই ফুৰাই এই ধৰ্মৰ মূলমন্ত্ৰ। ধৰক কোনোবাই ক'লে- "বাটে ঘাটে মুত্ৰ বিসৰ্জন নকৰিব" - বচ আৰু কি লাগে? কণপাই সকল জঁপিয়াই পৰিব তাত। কিয় নকৰিম? এয়া এক প্ৰাকৃতিক আহ্বান! চৰকাৰে তেনে দহফুটৰ মুৰে মুৰে টইলেট সাঁজি দিয়া নাই কিয়? চৰকাৰ হায় হায়! মু্ত্ৰ বিসৰ্জন আমাৰ অধিকাৰ, সংবিধান সংশোধন কৰি মুত্ৰ বিসৰ্জনৰ অধিকাৰক মৌলিক অধিকাৰ কৰিব লাগে। হেনহে তেনহে! 

এইবিলাক বিতৰ্কৰে আচল সমস্যাবোৰৰ পৰা মনোযোগ আঁতৰাই ৰখাৰ লগতে ৰাইজৰ মনোৰঞ্জনো কৰি থকা কণপাইজমৰ অন্যতম বৈশিষ্ট।

সকলো কথা খুলি কব নোৱাৰি, তথাপি, অলপতে এজন নি‍ষ্ঠাবান কণপায়ে এটা বঢ়িয়া ঝেং লগালে। ঘটনাটো লিখিলো এইকাৰণেই যাতে আপোনালোকেও তেওৰ পদাংক অনুসৰণ কৰি, বিশ্বত কণপাইজম প্ৰতিষ্ঠা কৰাত সহযোগ কৰিব পাৰে।
আমাৰ এই কণপাইজনে এদিন এই নিঅ' হিন্দুইজমৰ গুৰিধৰোতা এজনক লগ পাই এটা ঘাটক প্ৰশ্ন সুধি দিলে-

-"ঠিক আছে বাৰু কওকচোন, এইযে আপোনালোকৰ ইলেকচন এজেণ্ডাত আছিল, ভাৰত সমগ্ৰ বিশ্বৰ হিন্দুসকলৰ বাবে Natural বাসভূমি হব, মানে যিকোনো ঠাইৰ হিন্দু হ'লেই তেও অটোমেটিকেলী ভাৰতৰ নাগৰিকত্ব পাই যাব। হয়নে নহয়? নে মই ভুল বুজিছো?"

- " নাই বুজা, একদম ঠিক কৈছে। যিকোনো হিন্দু ধৰ্মীৰ বাবেই ভাৰত স্বদেশ। সকলো অধিকাৰেৰে তেওলোক ইয়াত থাকিব পাৰিব, মহাসমাৰোহে"

- "অ'কে, বুজিলো! তেনে ভাৰতীয় মুছলমান, বা আন ধৰ্মালম্বী সকলৰ কি হব? তেওলোকো ভাৰতীয় হৈ থাকিবনে? এই ধৰক, যিসকল লোকে হিন্দুৰ বাদে আন ধৰ্মী হৈয়ো ভাৰতক নিজৰ দেশ বুলি ভাৱে, শ্ৰদ্ধা কৰে, গৌৰৱ কৰে, পাকিস্তানৰ বিৰূদ্ধে যুঁজত প্ৰাণ আহুতি দিয়ে, দেশে বিদেশে ভাৰতৰ নাম উজ্বলাই, এতিয়াৰ হিচাপত যিসকল ১১০% বৈধ ভাৰতীয়....সেইসকলৰ কি হব? " 

সিজনাই বোলে অলপ কেৰঘেহাঁলে, আমাৰ কণপায়ে সুবিধা পাই আকৌ পাক মাৰি ধৰিলে-

-"একদম স্পষ্ট ভাৱে কওক, তেওলোকৰ বিষয়ে আপোনালোকৰ স্থিতি কি? তেওলোক আপোনালোকৰ ভাৰতত সসন্মানে থাকিব পাৰিবনে? সকলো অধিকাৰ লৈ? মানে ধৰক আজিৰ সংবিধানে যিখিনি দিছে, সেইখিন লৈ?"

সিজনাই অলপ সৰু মাতেৰে শেষত ক'লেগৈ,

-"পাৰিব তেওলোক থাকিব!! ‍যদিহে তেওলোক সন্ত্ৰাসবাদী নহয়, বা............ হেৰি মানে....."

-"ৰব! মই বুজিলো যে, সেই হিন্দু ভাৰততো আন ধৰ্মী সকল থাকিব পাৰিব, সসন্মানে। অনাহিন্দু বৈধ ভাৰতীয়সকলৰ বিৰূদ্ধে আপোনালোকৰ কোনো এজেণ্ডা নাই। হয়নে?" 

-"হয় বুলিয়ে ধৰকচোন এতিয়ালৈকে"

- "OK! থেংক ইউ চ' মাচ্ছ ফ'ৰ য়ৰ টাইম। এণ্ড অল দা বেষ্ট" 

এইবুলি কণপাই তাৰ পৰা সুৰসুৰাই পলাল, তেওৰ কাম হৈ গ'ল। ঝেং লগাবলৈ ইছু পাই গ'ল। 

এতিয়া কণপায়ে কি কৰি আছে জানেনে- তেও অসম মুলুকত থকা অ-হিন্দু, বিশে‍কৈ মুছলমান অবৈধ বাংলাদেশী সকলক এটা বুদ্ধি দি আছে। তেও বুজাইছে
- "ভাইহঁত তোমালোকে, ষ্ট্ৰেটেজিকেলী, মনত ৰাখিবা দেই এক ষ্ট্ৰেটেজী হিচাপেহে- কিছুদিনৰ কাৰণে হিন্দু ধৰ্ম গ্ৰহণ কৰা। ঘৰত যি কৰা কৰি থাকিবা, কিন্তু অফিচিয়েলি হিন্দু ধৰ্ম গ্ৰহণ কৰা বুলি ৰাইজক দেখুৱা। বচ!! তাৰ পাছত তোমালোক নেচাৰেলী ভাৰতৰ বাসিন্দা হৈ যাবা। আৰ এসময়ত যেতিয়া , মাটিৰ পট্টা, ৰেচন কাৰ্ড, আধাৰ কাৰ্ড, এন আৰ চি, পাছপৰ্ট আদি সকলো কাগজ পত্ৰ পাক্কা হৈ যাব, আকৌ নিজ নিজ ধৰ্মলৈ ঘুৰি যাবা। ঘৰ ৱাপচী টাইপ। কাম হৈ গ'ল।"

শুনামতে দুই চাৰিজন অবৈধ বাংলাদেশীয়ে তেওৰ প্ৰপ'জেলটো গুৰুত্ব সহকাৰে বিবেচনা কৰি আছে।

আজি আমি সেইজন কণপাইক লৈ গৌৰৱান্বিত। আপোনালোক সকলোৱেও এইদৰে মহৎ পৰিকল্পনা বিলাকত ঝেং লগাই কণপাইজম বিশ্ব দৰবাৰত প্ৰতিষ্ঠা কৰিব বুলি আশা কৰিলো