ওলাইছেহি আহি এজন ঢুলীয়া জোখৰ,
আহিয়েই দিছে এচাট গেমেহা চাপৰ;
নামটো আকৌ হিমন্তৰ ওচৰ পাজৰৰ,
নকলেও জনাই জানে নগাঁৱত ঘৰ।
সৰুৰে পৰাই তেৰাৰ আছিল বেমাৰ
ছালৰ,
নকও বাৰু সেই কথা হব গৰবৰ!
কামে কাজে শণিগুটি, বুদ্ধিত তীখৰ,
তেতেলীয়াৰ কলসী খোৱাত প্ৰতিভা
প্ৰখৰ।
কলেজ পায়ে বৰাৰ চিঙিল এৰাল গলৰ,
'পতামেই এজনী' বুলি কৰে প্ৰতিজ্ঞা
অলৰ।
হেন্দিক, কটন আৰু যত গাৰ্লচ
কলেজৰ,
পদূলি শুঙি কটাই দিলে দুই চাৰি
বছৰ।
ইম্প্ৰেছ কৰো বুলি আপী নতুন
বেটচৰ,
দিনে ৰাতিয়ে লয় তেও ক্লাছ গীটাৰৰ।
হঠাত এদিন মিলন হ'ল দুই নয়নৰ,
দুপাৰ ভাঙি বৈ গ'ল নদী মৰমৰ।
খালি কৰি 'আৰ্চিজ' গেলেৰী
পানবজাৰৰৰ,
ৰূমত আনি সজালে পাহাৰ গ্ৰীটিংচ
কাৰ্ডৰ।
পৰীক্ষাত দিনে বাঢ়ি যায় সংখ্যা
বেকৰ (BACK),
হলেও হেনো বৰাৰ প্ৰেম অজৰ
অমৰ।
ভৰষা জানো আছে পিছে মানৱ মনৰ,
প্ৰেমিকাই পাই গ'ল আমেৰিকা থকা
বৰ।
প্ৰেম সাগৰ শুকাই ওলাল খৰাং
বালিচৰ,
চিঙি গ'ল তাঁৰডালি হৃদয় চেতাৰৰ;
পিছে চেলুট কৰিব লাগে তেওৰ সাহসৰ,
ভকতহে নহয় তেও হাৰমনা ঘৰৰ;
দুদিন মাথো খালি কৰি বটল ৰামৰ,
লাগি গ'ল তেও সন্ধানত নতুন
প্ৰচপেক্টৰ।
চিগাৰেট এটা জ্বলাই লৈ চিতাত
প্ৰেমৰ,
লিখি ল'লে প্ৰেমপত্ৰ তেজেৰে নিজৰ।
টু হুম ইট মে' কনচাৰ্ণ, সোণজনী
মৰমৰ,
লিখি ৱালত লগাই দিলে ছোৱালী
হোষ্টেলৰ।
No comments:
Post a Comment