Tuesday, March 20, 2012

ফেচবুকৰ ধেমালি ধেমালি গোটৰ সদস্য কেইজনমানক লৈ লিখা কেইটামান লিমাৰিক

ৰসৰ বোলে মহাসাগৰ গগৈ ৰসানন্দ,
বত্ৰিছীয়া হাঁহি মাৰে মনত মহানন্দ;
ধেমালি কৰে, গান গায়,
লেং মাৰি ভাল পায়;
কাৰো লগত বোলে তেওৰ নাই কোনো দন্দ|


ডিবুৰুগড়ৰ পল্লবী বৰা কামত বৰ খৰ,
মিনিটতে ভাত ৰান্ধে, পলকত মোচে ঘৰ;
জাবৰ যোথৰ এসোপা সিজাই,
গামলা এটাত বাঢ়ি উলিয়াই
‘ফেচবুক’ কৰিবলে সৌৱা মাৰিলে লৰ |


তিনি ঠাইৰ মিক্সাৰ অঞ্জনা তামুলীৰ কালচাৰ,
যত বোলে জন্মিছিলে নাই তাত এটাও ভালচাৰ;
বুঢ়ী বুলি নিজকে কয়,
লিপস্টিক কিন্তু থিকেই লয়;
চান্স পালেই মাৰি দিয়ে মস্ত এটা  লেকচাৰ|


খৰচি মাৰি পঢ়া ল’ৰা আমাৰ এই মনজিত,
কনচেপ্ট ক্লিয়েৰ নোহোৱালৈকে একে শ্ৰেণীতে দিয়ে থিত ;
চেহেৰা পাতি মৰমলগা,
কথাবতৰাও ধেমেলীয়া;
দুখ লাগিলে গছত উঠি, গাই হেনো বিৰহ- গীত |


জিতু কুমাৰ ডেকাৰ হ’ল  নগাঁৱত ঘৰ,
পাহাৰত গৈ উঠি আছেগৈ (ইয়াত ) গৰম পালে বৰ;
সাপ ভেকুলী একো নেৰে,
ঘুটুং পানী অকন পালে;
খোৱাত বোলে কেতিয়াও, কৰিব নেপায় ভিন পৰ |


কমেন্ট দিয়াত অতি পাকৈত শ্ৰীবিষ্ণু শইকীয়া,
তেওৰো আছে  ইমান গূন, কৈ অন্ত নাইকিয়া;
কন্ত্ৰভাৰ্চিৰ পৰা দুৰত থাকে,
পিঠিখন সদায় বছাই ৰাখে;
চান্স পালে তেঁৱো বোলে টেস্ট কৰিব নাইপীয়া|

প্ৰতীমৰ প্ৰতাপত ধেমালি-ধেমালি হাহাকাৰ,
ফ’ট’, পস্ট , কমেন্ট চব কৰি দিছে একাকাৰ,
চাকৰিৰ নামত ফেচবুক কৰে,
দৰমহা হলে এপইচাও নেৰে;
প্ৰমান হেনো কৰিহে এৰিব পৃথিবী যে গোলাকাৰ|


দিগন্ত শইকীয়া লোকজন জেলেপীৰ দৰে চিধা,
স্বভাব চৰিত্ৰ যেনেই নহওক মূখখন বৰ মিঠা;
কয় এটা, কৰে আন এটা,
নহয় তাৰ অন্যথা;
কাম হওক বা নহওক, (তেঁও) পাব লাগিব সিধা;


শুণিছেনে কেতিয়াবা মিতালী বাইদেউৰ গান,
ভৰ্তা বনাই খাই লয় সুৰ, তাল, মান;
তামোল এখন মুখত ভৰাই,
হাৰমনিয়ামত আঙুলি বুলাই;
গান শুনি জ্বলি যায় পথাৰৰ পকা ধান|


ইভা শইকীয়া বাইদেউৰ উঠিল বৰ জ্বৰ,
দৰবেও কাম নকৰে এতিয়া কি কৰ কৰ;
ডাক্তৰে  নেপায় আঁত,
কথাৰ গুৰি কৰবাত;
ন হেজাৰটকীয়া শাৰী দেখুৱাবলে আহিছিল মিচেচ ধৰ;


পংকজ কলিতা ঐ কি অংক কৰিলা?
পেটতো কেনেকে ভৰাব লাগিল তাকেহে চিন্তিলা;
লুপিনৰ চাকৰি লৈ,
শিলচৰ পালাগৈ;
জ্যোতি-বিষ্ণুৰ গাঁৱৰ লৰা,(পিছে) ভোটটি ছুব্বাকহে দিলা|'


 লিমাৰিক লিখিবলে কলিতাৰ বৰ মন,
চেপি খুন্দি শেষ কৰিলে মগজুৰ ৰসকন;
কি হলগে বা এইটো ?
লিমাৰিক নে জন্তু;
দায় দোষ নধৰিবা হে ধেমেলিয়া গন |

No comments:

Post a Comment